сендвичи

Претворете ги остатоците од храна во превкусни сендвичи

Празниците полека привршуваат, а Вие имате остатоци од храна со кои што не знаете што да направите? Или пак едноставно после јадењето едно исто јадење речиси секој ден, конечно Ви здодеа од него и не знаете што да правите со она што Ви останало. Наместо да фрлате храна, искористете ги таканаречените leftovers. Лесно претворете ги во нешто изненадувачки вкусно и неодоливо како овие сендвичи.

сендвичи

Во мојот фрижидер остана парче свинско месо од превкусниот бут со глазура од мед, кој го приготвив за Божиќ. Истовремено ми остана и малку руска салата. Ова несомнено се малку состојки за да направам нов ручек за моето семејство. Но се сосема доволни за да ги претворам во сочни сендвичи. За овие сендвичи ќе Ви бидат потребни лепчиња, сенф, малку месо, руска салата како и неколку свежи состојки. Доколку располагате со други остатоци од храна, пуштете ја имагинацијата да си го направи своето и креирајте своја верзија на сендвич. Сè е дозволено

Најубавото нешто во подготвувањето на нова храна од она што Ви останало од претходната е тоа што може да правите најразлични комбинации. Секој пат да создавате нешто поинакво, а воедно да бидете супер економични бидејќи искористувате се што имате.

Претворе ги остатоците од храна во превкусни сендвичи

Наместо да фрлате храна, искористете ги таканаречените leftovers и лесно претворете ги во нешто изненадувачки вкусно и неодоливо како овие сендвичи.
време за подготовка 9 mins
Вкупно време 15 mins
сервирања 4

Состојки
  

  • 4 лепчиња за сендвичи
  • руска салата или друг тип на салата
  • рукола
  • месо, исечкано на мали парчиња
  • парчиња домат
  • парчиња краставица
  • сенф

Начин на подготовка
 

  • Склопете го сендвичот по ваша желба. Може да користите и состојки кои ги имате дома, останати од празниците.
    Добар апетит и забавно готвење!

Остави коментар