тирамису торта

Тирамису торта – декадентен десерт кој плени со својот вкус

Тирамисуто е кремаст и богат слоевит италијански десерт со моќен вкус на еспресо и маскарпоне сирење. Деликатната кремаста структура, пресечена со острината на какаото го прави овој десерт победничка комбинација. Мојата верзија на оваа италијанска класика е во форма на декадентна тирамису торта, со неодолив вкус на кафе, маскарпоне и ванила.

Италијанците вообичаено се држат до традиционалниот рецепт. Популарноста на овој десерт во светски рамки несомнено предизвика лавина од најразлични адаптации. Почнувајќи од торти, па се до колачи и други типови на десерти.

тирамису торта

Покрај совршениот спој на состојки, тука е и неверојатниот изглед. Токму поради тоа оваа торта е како порачана кога сакате да направите десерт кој ќе го привлече вниманието на вашите гости.

Она што најмногу ќе Ви се допадне е едноставната постапка за приготвување. Откако сте ја приготвиле, најдобро е преку ноќ да ја оставите во ладилник. На тој начин пандишпанот и пишкотите убаво ќе омекнат и десертот да ја добие потребната сочност по која е препознатлив.

тирамису торта

Тирамису торта

Она што најмногу ќе Ви се допадне е едноставната постапка за приготвување, како и краткиот временски интервал во кој ќе ја направите оваа впечатлива тирамису торта.
време за подготовка 20 mins
време за готвење 10 mins
Време за стегнување 4 hrs
Вкупно време 4 hrs 30 mins

Состојки
  

  • 1 парче готов пандишпан
  • 600 г пишкоти
  • 500 г маскарпоне сирење
  • 60 г шеќер во прав
  • 6 белки
  • 150 г шеќер
  • 2 пакетчиња ванилин шеќер
  • 6 жолчки
  • 100 г шеќер во прав
  • 1 пакетче желатин растворено во вода и растопено на пареа
  • 1 шолја од 300 мл. јако сварено еспресо
  • Kакао

За декорација:

  • 2 кесички шлаг изматени со 250 мл. млеко
  • Парчиња чоколадо

Начин на подготовка
 

  • о сад на пареа изматете ги жолчките заедно со 100 г шеќер во прав и со постојано матење, гответе ги околу 10 минути. Тргнете од пареа и во длабок сад изматете ги белките со 150 г шеќер и две пакетчиња ванилин шеќер во цврст снег. Во посебен сад изматете го маскарпонето со 60 г шеќер во прав. Во садот со изматеното маскарпоне додајте ги зготвените жолчки и промешајте. Потоа додадете ги и изматените белки и соединете го целиот фил. На крај ставете го раствореното пакетче желатин на пареа и добро промешајте.
  • Во округло тавче на механизам наредете го готовиот пандишпан кој што ќе го потопите со малку сварено еспресо. Додајте од филот со маскарпоне и израмнете ја целата површина. Нарусете какао, а потоа наредете еден слој пишкоти потопени во еспресо. Повторно ставете од филот со маскарпоне и нарусете какао. На крајот завршете со ред пишкоти потопени во кафе и тенок слој од филот со маскарпоне. Нарусете какао.
  • Изматениот шлаг пренесете го во кесичка за декорација и формирајте мали топчиња на врвот од тортата. Нарусете со какао и декорирајте со парчиња чоколадо во средишниот дел од тортата. Оставете ја да се стегне минимум 4 часа во ладилник или оставете ја преку ноќ. Пресечете парчиња и послужете.
    Добар апетит и забавно готвење!

Остави коментар