празнични колачиња

Празнични колачиња со два типа на ореви

Празничната магија секогаш може да се зачини со нов тип на празнични колачиња. Овој пат ќе Ви покажам како да направите мини лапни-голтни колачиња со два вида на ореви – обични и пекан ореви.

Пекан оревите имаат изразито сладок и путерест вкус и се со блага шумска арома. Надворешноста е малку горчлива, а внатрешноста има масна структура. Поради нивната специфичност и деликатност, колачињата кои што ќе ги направиме со пекан ореви се поинакви од сите други колачи  кои што досега сте ги пробале.

празнични колачиња

Подготовката е мошне едноставна и практична, па за помалку од половина час  ќе може да се нагостите со овие превкусни колачиња. За да имаат уште поинтересна текстура во нив додадов и чоколадна компонента во форма на чоколадни капки. Доколку не можете да најдете капки, тогаш без проблем може да користите чоколадо исечкано на мали парченца. Откако ќе го подготвите тестото и ќе го обликувате секое колаче посебно, во средината го украсувате со половина пекан и на тој начин ја добивате формата на колачињата која што е прикажана на фотографиите.

празнични колачиња со два типа на ореви

Празнични колачиња со два типа на ореви

Подготовката е мошне едноставна и практична, па за помалку од половина час  ќе може да се нагостите со овие превкусни колачиња
време за подготовка 20 mins
време за готвење 10 mins
Вкупно време 30 mins
сервирања 45 колачиња

Состојки
  

  • 100 г ореви
  • 70 г пекан ореви
  • 230 г путер омекнат
  • 250 г кафен шеќер
  • 100 г кристален шеќер
  • 1 јајце
  • 1 жолчка
  • 2 пакетчиња ванилин шеќер
  • 370 г брашно
  • 1 лажичка нишесте
  • ½ лажичка сода бикарбона
  • ½ лажичка прашок за печиво
  • 50 г чоколадни капки или чоколадо исечкано на мали коцки

Начин на подготовка
 

  • Најпрво растопете го путерот и оставете да се излади 10 минути.
  • Во длабок сад додајте го кафениот и обичниот шеќер, ванилата, изладениот и растопен путер и промешајте. Додадете ги јајцето и жолчката и повторно промешајте.
  • Во друг сад промешајте ги сувите состојки т.е. брашното, содата, нишестето и прашокот за печиво. Додајте ги сувите состојки во течните и оформете го тестото за колачињата.
  • На крај во тестото додадете ги чоколадните капки и сечканите ореви.
  • Оформете мали топчиња од смесата и со половинките од пекан оревите притиснете во средишниот дел на колачето.
  • Вака подготвените колачиња печете ги во загреана рерна на 180 степени околу 10-12 минути.
    Добар апетит и забавно готвење!

Остави коментар