мини пити со сушени домати

Мини пити со сушени домати

Ако досега немавте навика да правите комбинација на павлака, кашкавал и сушени домати, наскоро ќе се навлечете на овој спој од вкусови. Мини питите кои што ќе ги споделам денес изгледаат мошне симпатично, а во исто време се превкусни, крцкави и просто незаменливи.

За да бидат уште повпечатливи им додадов и малку магдонос. Можете да ги направите секогаш кога имате желба за домашно направено тесто, за кое не Ви е потребно многу време.

мини пити со сушени домати

Мини пити со сушени домати

Мини питите кои што ќе ги споделам денес изгледаат мошне симпатично, а во исто време се превкусни, крцкави и просто незаменливи.
време за подготовка 50 mins
време за готвење 20 mins
Вкупно време 1 hr 10 mins
сервирања 4

Состојки
  

  • 250 г брашно
  • 1/2 лажичка инстант квасец
  • 1 лажичка шеќер
  • Прстофат сол
  • 100 мл. млеко
  • 50 мл масло

За филот:

  • 150 г кашкавал
  • 4 лажици кисела павлака
  • 4 лажици исечкани сушени домати
  • Рендан пармезан
  • Свеж магдонос

Начин на подготовка
 

  • Замесете тесто од првите состојки и оставете го да стаса околу 30-40 минути на собна температура. Размесете го и поделете го на 4 еднакви делови.
  • Секој дел расукајте го во мала коцка и во средишниот дел нанесете од киселата павлака, малку кашкавал, сушени домати и магдонос. Завратете ги краевите и формирајте ги како на фотографијата.
  • Оставете ги да се одморат околу 10 минути, премачкајте ги со изматено јајце и печете 20-тина минути на 180 степени.
    Добар апетит и забавно готвење!

Остави коментар