Чизкејк коцки со прелив од шумско овошје

Чизкејк коцките со прелив од шумско овошје спаѓаат во категоријата на најосвежителни десерти кои што досега сум ги приготвил.

Бисквит основата е совршен контраст на кремастата текстура на филот со кисело млеко, додека глазурата од шумско овошје освен што е супер свежа и красита, воедно е во моќна впечатлива црвена боја. Затоа коцките освен што се неверојатни на вкус, пленат и со својот огнено- црвен изглед. Во деновите кога тешко се справувате со летните горештини, овој десерт е одлична замена за сладолед.

чизкејк коцки

Чизкејк коцки со прелив од шумско овошје

Во деновите кога тешко се справувате со летните горештини, овој десерт еодлична замена за сладолед.
време за подготовка 15 mins

Состојки
  

За основата:

  • 150 г мелени бисквити
  • 4-5 лажици шеќер
  • 2 пакетчиња ванилин шеќер или 1 лажичка екстракт од ванила
  • 120 г растопен путер или маргарин

За филот:

  • 400 г кисело млеко
  • 100-150 г шеќер во прав
  • 2 кесички за шлаг
  • 1 лажичка екстракт од ванила или 2 пакетчиња ванилин шеќер
  • 1 пакетче желатин растворен во 4 лажици студена вода, а потоа растопен на пареа

За преливот со шумско овошје:

  • 200 г шумско овошје вишни, малини, јагоди, аронија..
  • 3 лажици шеќер
  • 2 пакетчиња ванилин шеќер

Начин на подготовка
 

  • За да ја подготвите основата, во длабок сад ставете ги мелените бисквити, шеќерот, ванилата и растопениот путер или маргарин. Префрлете ја смесата во мало тавче 18х18см ( за поголемо тавче дуплирајте ја дозата на сите состојки). Со помош на шпатула рамномерно распределете ја основата.
  • За да го подготвите филот, во сад ставете го киселото млеко и додајте го шеќерот во прав и добро промешајте. Додајте ги и кесичките за шлаг, екстрактот од ванила и добро промешајте. Додајте го растопениот желатин и промешајте. Префрлете го филот врз основата и оставете во ладилник да се стегне околу 3-4 часа.
  • Пред да сервирате во мало тенџере на оган ставете го шумското овошје, шеќерот и ванилата. Оставете смесата да врие околу 10 минути, а потоа поминете ја низ сито за да добиете чист сируп од шумско овошје.
  • Сервирајте врз секое парче чизкејк од изладениот сируп и уживајте.

Остави коментар