Чизкејк со малина и ванила

Секое време е добро време за чизкејк, особено ако станува збор спој од малини и ванила. Нема да звучам воопшто скромно, кога ќе кажам дека за ваков чизкејк ќе ја прекинете диетата, во доцните часови ќе го посетите фрижидерот и скришум ќе го јадете последното парче, за да не ве насетат домашните.

cizkejk so malina

Лесно се подготвува, ама и уште полесно се јаде. Одличен е за летниот период бидејќи е мошне освежителен. Сепак, нема да погрешите и доколку го направите во зима. 

чизкејк со малина

Чизкејк со малина и ванила

Лесно се подготвува, ама и уште полесно се јаде. Одличен е за летниот период бидејќи е мошне освежителен. Сепак, нема да погрешите и доколку го направите во зима. 
време за подготовка 15 mins

Состојки
  

За основата:

  • 150 г г мелени бисквити
  • 150 г мелени ореви, бадеми или лешници
  • 2 лажици шеќер
  • 200 г растопен путер

За филот:

  • 400 г крем сирење
  • 200 мл млеко
  • 3 кесички за шлаг крема
  • 4 лажици шеќер во прав
  • 1 лажичка екстракт од ванила
  • 1 пакетче желатин растворен во вода, па стопен на пареа

За преливот со малини:

  • 300 г малини
  • 80 г шеќер
  • сок од 1 лимон
  • 2 кесички ванилин шеќер
  • 1 кесичка желатин растворен во вода, па стопен на пареа

Начин на подготовка
 

  • Во длабок сад ставете ги сите состојки за основата на чизкејкот и добро промешајте. Распределете ја смесата во округло тавче на механизам и оставете во ладилник да се стегне додека не го направите филот од крем сирењето.
  • Во длабок сад ставете го крем сирењето, кое претходно било на собна температура и додајте го млекото, кесичките за шлаг крем, шеќерот во прав и екстрактот од ванила. Добро изматете со миксер околу 5 минути додека не добиете убава хомогена и мазна структура на филот.
  • Додајте го претходно растопениот желатин на пареа и добро промешајте. Претурете го филот врз основата и оставете го во ладилник да се стегне.
  • Во тенџере на оган загрејте ги малините, шеќерот, сокот од лимон и ванилиниот шеќер. Варете околу 7-8 минути и тргнете од оган. Прецедете ја смесата низ сито за да ги отстраните сите семки од малините. Во жешкиот прелив од малини додајте го растворениот желатин и промешајте додека комплетно не се растопи.
  • Оставете да се излади околу 20-30 минути, а потоа прелијте го врз горниот дел од чизкејкот. Оставете да се стегне околу 4 часа. Послужете и уживајте.
    Добар апетит и забавно готвење!

Остави коментар