Колачи со чоколадо и малина

На една од масите во мојата кујна секогаш стои голем стаклен сад преполн со колачиња. Ова е мојата тегла за „прва помош“ во ситуации кога ќе ми се најават неочекувани гости, или пак едноставно копнеам по мало слатко задоволство додека го пијам утринското кафе и уживам во сончевите зраци на новиот ден.

kolaci so malina i cokolado

Во садот има најразлични типови на колачиња, меѓу кои и оние со вкус на чоколадо и малина, одлична комбинација каде свежиот вкус на малината како да флертува со топлите ноти на чоколадото, создавајќи единствен и неповторлив вкус.   

Се подготвуваат за неверојатни 20 -25 минути вклучувајќи го тука и времето за печење, па доколку токму денес ви се јадат колачиња Ви препорачувам веднаш да започнете со подготовката.

kolacinja so malina i cokolado

Колачи со чоколадо и малина

Се подготвуваат за неверојатни 20 -25 минути вклучувајќи го тука и времето за печење, па доколку токму денес ви се јадат колачиња Ви препорачувам веднаш да започнете со подготовката.
време за подготовка 10 mins
време за готвење 10 mins

Состојки
  

  • 120 г путер или маргарин омекнат
  • 100 г шеќер
  • 2 пакетчиња ванилин шеќер
  • 1 јајце
  • 180 г брашно
  • 1/2 лажичка прашок за печиво
  • прстофат сол
  • 100 г замрзнати малини
  • 70 г чоколадни капки или исечкано чоколадо на коцки

Начин на подготовка
 

  • Во длабок сад промешајте ги брашното, прашокот за печиво и прстофат сол.
  • Во друг сад изматете го путерот или маргаринот пенесто заедно со шеќерот и ванилата. Додајте го јајцето и матете додека не добиете изедначена смеса.
  • Додајте ги сувите состојки (брашното, печивото и солта измешани заедно) и со помош на шпатула добро промешајте додека не добиете тесто за колачиња.
  • Додадете ги малините и чоколадните капки, мешајки внимателно за да не ја обоите целата смеса во розова боја од малините. Со помош на алатка за сладолед оформете ги колачињата и ставете ги во тавче обложено со хартија за печење.
  • Со помош на набрашнета вилушка израмнете ги колачињата од две страни
  • Печете во веќе загреанарерна на 190 степени околу 10-12 минути.
  • Оставете да се изладат околу 10 минути, со што ќе ја добијат посакуваната цврстина.
    Добар апетит и забавно готвење!

Остави коментар