indiski lepcinja

Лиснати индиски лепчиња

Подгответе ги без да чекате да стасуваат, по ваш вкус и користете ги за со вашиот омилен намаз, за бурито или пак за тортиља чипс.

Дали знаете дека обичните тортиља лепчиња може да имаат побогат и поегзотичен вкус доколку ги подготвите сами? Се се случува за помалку од 30 минути. Замесувате тесто, НЕ ГО ЧЕКАТЕ ДА СТАСА!, премачкувате со путер и додавате од вашите омилени зачински билки, пржите на само 2-3 минути од секоја страна и на крајот дури се зачудувате на вашите кулинарски способности. 😉
Овој рецепт претставува едноставен начин да уживате во толку многу вкусови со минимален труд.

indiski lepcinja

Лиснати индиски лепчиња

Подгответе ги без да чекате да стасуваат, по ваш вкус и користете ги за со вашиот омилен намаз, за бурито или пак за тортиља чипс.
време за подготовка 5 mins
време за готвење 10 mins
Вкупно време 15 mins
сервирања 8

Состојки
  

  • 400 гр. брашно
  • 170 мл. студена вода
  • 1 лажичка сол
  • 150 гр. растопен путер
  • Зачини по желба јас користев букова сол и оригано

Начин на подготовка
 

  • Замесете тесто од првите три состојки. Поделете го на 8 еднакви делови и оставете 2-3 мин да одморат ( за тоа време растопете го путерот и ставете една тава на оган да се грее, без масло).
  • Секој дел расукајте го во мал круг и премачкајте го обилно со путерот , нарусете зачини и пресечете еден радиус ( само до пола од кругот).
  • Виткајте во облик на фишек и кога ќе добиете фишек сплескајте го со рацете надоле. На овој начин се соединуваат сите вкусови и се создаваат слоеви.
  • Расукајте повторно и пржете ги на загреана тава од двете страни по 2-3 минути. Конзумирајте ги додека се топли и со вашиот омилен намаз (хумус, тапенада, ..)
    Добар апетит и забавно готвење!

Остави коментар