Насмевките остануваат и кога камерите се исклучуваат

Многумина од вас ме знаат како „детето што прекрасно готви на телевизија“.
До сега имам гостувано во повеќе од 40 утрински емисии на телевизија Сител, па овој прекар е неизбежен. Јас лично уживам во секое дружење и посветувам посебно внимание на тоа што ќе го презентирам пред публиката. Овој пат, со вас ќе споделам како се одвиваше моето последно телевизиско гостување .
Па доколку ја пропуштивте емисијата, прочитајте што се случуваше и што интересно подготвив во неа.

20180710073741_IMG_0572

Вторник наутро, и време е за последна проверка.
Сите состојки се точно измерени, сите садови се на место и најважното нешто е тука-насмевката. Камерите ја обожуваат насмевката, а и публиката исто така. Иако 7 часот наутро не звучи како период од денот резервиран за насмевки, сепак се присутни. Особено кога работите нешто со љубов и ентузијазам.

IMG_0609

Секој рецепт кој го презентирам на телевизија е внимателно одбран. Секогаш се одлучувам за нешто едноставно, но доволно интересно за да привлече внимание. Во исто време, мора да биде и актуелно. Во топлите летни денови, нема ништо поосвежувачко од чаша студена лимонада. Па затоа, се одлучив за интересен рецепт кој мене ми стана омилен-лимонада со малини.
Богатиот и киселкаст вкус на малините ме воодушевува, па затоа не пропуштам да купам по некое канче кога има на залиха на зелените пазари. Овојпат, тие се најдоа како одличен додаток на свежата лимонада. Розевата лимонада ја сервирав во мали теглички, со интересни и разиграни цевки. Совршен напиток и за мали и за големи!

20180710091140_IMG_0620.JPG

Знам дека копнеете по кремаст чоколаден сладолед со кршени колачиња, па морав да го споделам со вас најбрзиот рецепт. Се надевам не ми замерувате што чашата ми се преврти. Ќе се обидам да надоместам со тоа што ќе ја споделам тајната за подготовката. Тајната е во тоа да додатете мноогу кршени колачиња, кои ќе внесат крцкавост во кремастата текстура на сладоледот. Ако колачињата се со парчиња чоколадо, тогаш ја имате добитната комбинација.

IMG_9898

Покрај овие интересни рецепти, морав да подготвам и нешто со тесто. Веќе знаете дека тоа е моја специјалност, па не пропуштам прилика да споделам некој месен рецепт со вас. Појадокот во кревет од претходниот пост побуди голем интерес, па решив да го подготвам. Лиснато тесто со ароматичен кари сос и парченца пилешко е оброк што лесно се подготвува. Сеуште го чувствувам мирисот на печурки и многу ароматични зачини кој се ширеше низ студиото. Над таа магија од вкусови и мириси, прелеав павлака за готвење. Во меѓувреме, домашните кифлички се печеа.Едноставно морав да ви покажам како да ги направите моите добро познати „роденденски кифлички“. Пријатниот мирис ги примами сите.

20180710071627_IMG_0544

10 часот, емисијата е одјавена, камерите се исклучуваат. Но, насмевките остануваат. Мирисот на свежо печени кифли и кари сос привлече многу љубопитни вработени, кои едвај чекаат да видат и вкусат од летните чудесии.

20180710071426_IMG_0531

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s